മുസ്ലിം ലീഗ്‌ സ്ഥാനാർതികൾ വൻ വിജയത്തിലേക്ക്‌.

മുസ്ലിം ലീഗ്‌ സ്ഥാനാർതികൾ വൻ വിജയത്തിലേക്ക്‌.

ചരിത്രഭൂരിപക്ഷവുമായി, മുസ്ലിലീഗിന്റെ സാരഥികൾ വിജയത്തേരിൽ.

ലീഗിന്റെ കോട്ടപിടിച്ചടക്കാൻ, ഓലപടക്കവുമായി വന്നവർ ഒന്നോർക്കുക. മലപ്പുറത്തെ കോട്ട പിടിച്ചടക്കാൻ ചുവന്ന മുസ്ല്യാർമ്മാരോ, കാലിലാത്തവരോ, പെണ്ൺ കരഞ്ഞാലോ കഴിയില്ല മക്കളെ.

വിജയാഹ്ലാളം, പരിധിവിടരുതെന്ന്, നമ്മുടെ പ്രിയങ്കരനായ നേതാവ്‌ പണക്കാട്‌ ശിഹാബ്‌ തങ്ങൾ ഒർമ്മപ്പെടുത്തുന്നു.

മുസ്ലിലീഗിനെതിരെ പടനയിച്ചവർക്ക്‌ ലീഗിന്റെ മക്കൾ ബാലറ്റിലൂടെ തന്നെ മറുപടി പറഞ്ഞു.

ഇ ടി മുഹമ്മദ്‌ ബഷീറിനും, ഈ അഹമ്മദ്‌ സാഹിബിനും വോട്ട്‌ ചെയ്ത്‌ വിജയിപ്പിച്ച എല്ലാ ജനാധിപത്യവിശ്വാസികൾക്കും, മുസ്ലിലീഗിന്റെ വിജയത്തിന്‌വേണ്ടി അഹോരാത്രം പരിശ്രമിച്ച എല്ലാ പ്രവർത്തകർക്കും ജിദ്ധയിൽനിന്നും എന്റെ പ്രതേക അഭിനന്ദനങ്ങൾ.

മുസ്ലിം ലീഗ്‌ സിന്ദാബാദ്‌.
ശിഹാബ്‌ തങ്ങൾ സിന്ദബാദ്‌.

പച്ച കൊടി വാനിലുയർത്താൻ, മലപ്പുറത്തിന്റെ മക്കൾ ജീവൻ കളഞ്ഞും തയ്യാറാണെന്ന്, മനസിലാക്കിയാൽ, ഇനിയുള്ളകാലം, ചുവന്ന മുസ്ലിയർക്ക്‌ നന്ന്.

മലക്കുകൾ വോട്ട്‌ ചെയ്തിട്ട്‌ പോലും വിജയിക്കാൻ കഴിയാത്ത രണ്ടത്താണിയും, മദനിയും വരിക ലീഗിലേക്ക്‌.

നന്ദികെട്ട മദനി, കാത്തിരിക്കുക, മുസ്ലിം ലീഗെന്നാൽ, മുന്നാളുകൾ മാത്രമല്ലെന്ന് മനസിലായല്ലോ സഖാവ്‌ മദനി.

പുന്തുറ സിറാജെ, ബാക്കിയുള്ള നാടകം ആടിതീർക്കുക, നീ ബാക്കിയാവുമെങ്കിൽ.

രണ്ടാത്താണിക്ക്‌ അത്താണിയുണ്ട്‌, ലീഗിൽ.

നായനാരെ വധിക്കാൻ പദ്ധതിയിട്ടിരുന്നു

നായനാരെ വധിക്കാൻ പദ്ധതിയിട്ടിരുന്നു.

കൊച്ചി: തീവ്രവാദിയായ നസീറും കൂട്ടരും 1999 ൽ മുൻ മുഖ്യമന്ത്രി ഇ.കെ. നായനാരെ മനുഷ്യബോംബുപയോഗിച്ച്‌ വധിക്കാൻ പദ്ധതിയിട്ടിരുന്നതായി വെളിപ്പെടുത്തൽ. കേസിലെ പ്രതി ആലുവ സ്വദേശി ഇസ്മായിൽ പൊലീസിൽ കൊടുത്ത മൊഴിയിലാണ്‌ ഇക്കാര്യം പുറത്തു വന്നത്‌.

കോയമ്പത്തൂർ സ്ഫോടന കേസിൽ അബ്ദുൽ നാസർ മഅദനിയെ തമിഴ്‌നാട്‌ പൊലീസിന്‌ പിടിച്ചു കൊടുത്തതിൽ കലി പൂണ്ടാണ്‌ നായനാരെ വധിക്കാൻ തീവ്രവാദികൾ പദ്ധതിയിട്ടത്‌. കേരളത്തിലെ തീവ്രവാദ സംഘത്തിന്റെ പ്രവർത്തനങ്ങൾ വർഷങ്ങൾ മുന്നേ തുടങ്ങിയിരുന്നു എന്നതിന്റെ തെളിവാണ്‌ നായനാർ വധശ്രമക്കേസിൽ ഇസ്മായിലിന്റെ മൊഴി. കശ്മീർ കേസിൽ പൊലീസ്‌ തിരയുന്ന നസീറും മഅദനിയുടെ അംഗരക്ഷകനായിരുന്ന അമീർ അലിയുമാണ്‌ കേസിലെ പ്രധാനികൾ.

നായനാരെ വധിക്കാൻ പദ്ധതിയിട്ട്‌ കണ്ണൂരിൽ തങ്ങുന്നതിനിടെ കള്ളനോട്ട്‌ വിതരണ കേസിലാണ്‌ ഇസ്മായിൽ പൊലീസ്‌ പിടിയിയിലായത്‌. ഇതോടെ നായനാരെ വക വരുത്താനുള്ള തീവ്രവാദികളുടെ പദ്ധതി പൊളിഞ്ഞു. മഅദനിയെ പിടിച്ചു കൊടുത്തത്‌ താനാണെന്ന ഇ.കെ നായനാരുടെ പ്രസംഗമാണ്‌ തീവ്രവാദികളെ ചൊടിപ്പിച്ചത്‌. 1999 ഏപ്രിലിലാണ്‌ തീവ്രവാദികൾ നായനാരെ വധിക്കാൻ ഗൂ‍ഢാലോചന നടത്തിയത്‌.

മഅദനിയുടെ അംഗരക്ഷകൻ അമീർ അലിയായിരുന്നു സൂത്രധാരൻ. ആലുവ സ്വദേശി ഇസ്മായിൽ, പറവൂർ സ്വദേശി താജുദ്ദീൻ, തിരുവനന്തപുരം സ്വദേശി ശിഹാബ്‌ എന്നിവരെയാണ്‌ ഇതിനായി നിയോഗി‍ച്ചത്‌. കണ്ണൂരിൽ പന്നേൻപാറയിലെ വാടക വീട്ടിൽ ഇലക്ട്രോണിക്‌ ഉൽപന്നങ്ങൾ വിൽക്കുന്നവരായി നടിച്ചാണ്‌ സംഘം തങ്ങിയത്‌. അമീർ അലിയും നസീറുമാണ്‌ ഇവർക്ക്‌ ക്ലാസെടുത്തത്‌.

മന്ത്രിമാരെയും മറ്റു രാഷ്ട്രീയ നേതാക്കളെയും മനുഷ്യബോംബായി വധിക്കാനും സംസ്ഥാനത്തിനകത്തും പുറത്തും വിധ്വംസക പ്രവർത്തനം നടത്താനുമായിരുന്നു ക്ലാസിലെ ആസൂത്രണം. ഇതുവഴി മഅദനിയെ ജയിൽ മോചിതനാക്കാമെന്നായിരുന്നു കണക്കുകൂട്ടൽ.

കടപ്പാട്‌: മനോരമ.കോം.-29-03-2009

പിണറായിയുടെ രഹസ്യ അജണ്ട

പിണറായിയുടെ രഹസ്യ അജണ്ട.

ലോക്സഭാ തെരഞ്ഞെടുപ്പിന്റെ സീറ്റുവിഭജനത്തിന്റെ ആദ്യഘട്ടം വരെയും ഇടതുപക്ഷ ജനാധിപത്യമുന്നണി ഒറ്റക്കെട്ടായിരുന്നു. സീറ്റു വിഭജന ചർച്ചകളിലും പ്രതീക്ഷിച്ചതുപോലെ സി.പി.എമ്മിന്റെ അപ്രമാദിത്വം എല്ലാവരും അംഗീകരിച്ചതുമായിരുന്നു. പതിന്നാലു സീറ്റ്‌.

എന്നാൽ, പൊന്നാനിയിൽ അബ്ദു ൾ നാസർ മഅ്ദനിയുടെ നിർദേശത്തിന്‌ സി.പി.എമ്മും പിണറായി വിജയനും ചെവികൊടുത്തതോടെ എൽഡിഎഫിൽ ഉരുൾപൊട്ടൽ ആരംഭിച്ചു. ജനതാദളിൽനിന്ന്‌ അവരുടെ സിറ്റിംഗ്‌ സീറ്റായ കോഴിക്കോട്‌ പിടിച്ചെടുത്തതോടെ ഇടതുപക്ഷത്തെ അനൈക്യം പൂർണമായി. സീറ്റില്ലെങ്കിൽ മന്ത്രി യെ പിൻവലിക്കുമെന്ന്‌ ഭീഷണിപ്പെടുത്തിയ ആർ.എസ്‌.പിയെപോലെ പറഞ്ഞതെല്ലാം തിരിച്ചെടുക്കാൻ ജനതാദൾ ഒരുക്കമായിരുന്നില്ല. അവർ മന്ത്രി മാത്യു ടി തോമസിനെ പിൻവലിച്ചു.

1980-ൽ രൂപംകൊണ്ട ഇടതുപക്ഷ ജനാധിപത്യമുന്നണി ശിഥിലമാകാൻ കാരണം സീറ്റു ചർച്ചമാത്രമാണെന്ന്‌ ആരും കരുതുന്നില്ല. പടിക്കൽ കലമുടയ്ക്കാനുള്ള തീരുമാനം സിപിഎം അത്രപെട്ടെന്നൊന്നും എടുത്തതല്ലെന്ന്‌ പാർട്ടിയെ അടുത്തറിയുന്നവർക്ക്‌ പറയാനാവും.

പിണറായി വിജയൻ എന്ന ഏക ബിന്ദുവിലേക്ക്‌ സിപിഎം എന്ന രാഷ്ട്രീയപ്രസ്ഥാനം ചുരുങ്ങുന്നതിന്റെ ഭാഗം കൂടിയായിരുന്നു ഇടതുപക്ഷമുന്നണി യിലുണ്ടായ പ്രശ്നങ്ങൾ. ഇതിൽ പലതും ഇടതുമുന്നണിയെ നുള്ളിനോവിക്കുന്നതിലൂടെ ലഭിക്കുന്ന രാഷ്ട്രീയവും വ്യക്തിപരവുമായ നേട്ടത്തെക്കുറിച്ചുള്ള വ്യക്തമായ ധാരണയോടുകൂടി നടത്തിയതാ യിരുന്നു.

കോട്ടയം സമ്മേളനത്തിനുശേഷം ഘടകകക്ഷികൾ സിപിഎമ്മിന്‌ ബാധ്യതയാണ്‌ എന്ന തരത്തിലുള്ള ഒരു ചിന്താധാര പാർട്ടിക്കുള്ളിൽ വളർന്നുവന്നിരുന്നു. സിപിഐ ഒഴികെയുള്ള ഘടകകക്ഷികൾക്കൊന്നിനും ഒരു സ്ഥാനാർഥിയുടെ വിജയഘടകമാകാവുന്ന നിശ്ചിത ശതമാനം വോട്ടുകൾ ഒരു മണ്ഡലത്തിൽ നിന്നും സമാഹരിക്കാനാവില്ലെന്ന കണക്കുകൂട്ടലും അത്തരത്തിലുള്ള രഹസ്യ കണക്കെടുപ്പുകളും പാർട്ടിപ്രവർത്തകർ നടത്തിയിരുന്നു. സിപിഎമ്മിന്റെ വോട്ടുകൾ കൊണ്ട്‌ വെറുതെ വിജയവും മ ന്ത്രിസ്ഥാനവും നേടുന്നതല്ലാതെ ഘടകകക്ഷികളെക്കൊണ്ട്‌ യാതൊരു പ്രയോജനവുമില്ലെന്ന വാദം സിപിഎമ്മിന്റെ മേൽത്തട്ടിൽ നിന്ന്‌ കീഴ്ഘടകങ്ങളിലേക്ക്‌ വ്യാപിച്ചിരുന്നു. അതിനാൽ കിട്ടുന്ന അവസരത്തിൽ ഘടകകക്ഷികളെ ഒഴിവാക്കുക എന്നൊരു ര ഹസ്യ അജൻഡ നടപ്പാക്കാൻ പാർട്ടി അനൗദ്യോഗികമായി തീരുമാനിച്ചിരുന്നു.

ഇത്തരമൊരു തീരുമാനം സി.പി.എം കൈക്കൊള്ളുന്ന സമയവും ശ്രദ്ധേയമാണ്‌. കോട്ടയം സമ്മേളനത്തിനുശേഷമാണ്‌ അത്‌ സംഭവിച്ചത്‌. മലപ്പുറം സമ്മേളനത്തിനുശേഷം പാർട്ടിയെ കൈപ്പിടിയിലൊതുക്കാനുള്ള ശ്രമം പിണറായി വിജയൻ ആരംഭിച്ചിരുന്നു. കോട്ടയം സമ്മേളനത്തോടെ പിണറായി വിജയന്റെ അശ്വമേധം പൂർത്തിയായി.

കോട്ടയം സമ്മേളനത്തോടെയാണ്‌ സി.പി.എം എന്ന രാഷ്ട്രീയ പ്രസ്ഥാനം രാഷ്ട്രീയാതീതമായ മാനത്തോടെ രാഷ്ട്രീയാദർശങ്ങളിൽ പലതും ബലികഴിച്ചത്‌, അഴിമതിക്കെതിരെയുള്ള കുരിശുയുദ്ധത്തിൽ നിന്ന്‌ പാർട്ടി പിൻവാങ്ങിയത്‌, പ്രസ്ഥാനത്തേക്കാൾ വലുതാണ്‌ വ്യക്തിയെന്ന്‌ പാർട്ടി സഖാക്കൾ മനസിലാക്കിയത്‌, വ്യവസായികളും വിവാദവ്യക്തികളും സഖാക്കളുടെ ഉറ്റ സുഹൃത്തുക്കളായത്‌. അനഭിലഷണീയമായ പലതും പാർട്ടിക്കും സഖാക്കൾക്കും സ്വീകാര്യമായതും കോട്ടയത്തെ പാർട്ടി സമ്മേളനത്തിനുശേഷമാണ്‌. ആദർശാത്മകത കർട്ടനു പിന്നിലേക്ക്‌ മാറ്റപ്പെടുന്നതും ഇതിനുശേഷമാണ്‌. കോട്ടയം സമ്മേളനത്തോടെയാണ്‌ പിണറായി വിജയൻ സിപിഎമ്മിലെ ഏകഛത്രാധിപതി എന്ന സ്ഥാനത്തിന്‌ അർഹനായത്‌.

ജനസമൂഹങ്ങളിലേക്ക്‌ വളർന്നു പടരേണ്ട പാർട്ടി ഒരു വ്യക്തി എന്ന ബിന്ദുവിലേക്ക്‌ ചുരുങ്ങുന്ന അവസ്ഥയിലാണ്‌ ഏകകക്ഷി ഭരണം എന്ന ചിന്തയിലേക്ക്‌ സിപിഎം നേതൃത്വം എത്തിച്ചേർന്നത്‌. ഘടകകക്ഷികളെ പരമാവധി ഒഴിവാക്കിയാൽ അവർക്കായി നൽകപ്പെടുന്ന പാർലമെന്റ്‌ അസംബ്ലി സീറ്റുകളും തദ്ദേശസ്വയംഭരണസ്ഥാപനങ്ങളിലെ സ്ഥാനമാനങ്ങളും സിപിഎമ്മിന്‌ സ്വന്തമാക്കാം എന്ന ദുരാഗ്രഹത്തിൽ നിന്നുമാണ്‌ ഇടതുപക്ഷമുന്നിണിയെ ശിഥിലമാക്കുന്നതിനുള്ള ശ്രമം ആരംഭിക്കുന്നത്‌. മാത്രമവുമല്ല എണ്ണമറ്റ കോർപറേഷൻ സ്ഥാനങ്ങളും സ്വന്തമാക്കാം. വേറൊരു തരത്തിൽ അധികാരത്തിന്റെ അപ്പക്കഷ്ണങ്ങൾ നൽകി പരമാവധി പാർട്ടി അണികളെ സ്വന്തം വരുതിയിൽ നിറുത്തുന്നതിനുള്ള ശ്രമവുമായി ഇതിനെ വ്യാഖ്യാനിക്കാം.

ഘടകകക്ഷികൾ വിട്ടുപോകുന്ന ഇടവും സ്വാധീനവും സി.പി.എം എങ്ങനെ നികത്തുമെന്നതിനെക്കുറിച്ച്‌ അറിയുമ്പോഴാണ്‌ സി.പി.എം ബുദ്ധിരാക്ഷസ•ാ‍രെ നാം സ്തുതിച്ചുപോകുന്നത്‌. മുസ്്ല‍ിം ലീഗ്പോലും വർഗീയ പാർട്ടിയാണെന്ന്‌ നിരന്തരം ആക്ഷേപിച്ചുപോരുന്ന സി.പി.എമ്മിന്റെ വൈരുധ്യാത്മകത എൻഡിഎഫിനെയും പിഡിപിയേയും കൂട്ടുപിടിച്ച്‌ നഷ്ടപ്പെട്ടുപോകുന്ന വോട്ടുകൾ പിടിച്ചെടുക്കുകയും ഭരണത്തിന്റെ പ്രത്യക്ഷ പങ്ക്‌ അവർക്ക്‌ നൽകാതിരിക്കുകയും ചെയ്യുക എന്നതിലാണ്‌. അങ്ങനെ വരുമ്പോൾ ഇത്തരം സംഘടനകളുടെ വർഗീയ വിഷം വമിക്കുന്ന പ്രവർത്തനങ്ങളുടെ പങ്ക്‌ തങ്ങളുടെ മേൽ പതിക്കാതിരിക്കുകയും എന്നാൽ അവരുടെ വോട്ടുവാങ്ങി സുരക്ഷിതരാവുകയും ചെയ്യുക. അതാണ്‌ പുതിയ തന്ത്രം.

പൊന്നാന്നിയിൽ സി.പി.എം പരീക്ഷിക്കുന്ന ഈ തന്ത്രം അടുത്ത ഇലക്ഷനാവുമ്പോഴേയ്ക്കും കേരളമെങ്ങും വ്യാപിപ്പിക്കുക എന്ന തീവ്രശ്രമത്തിലാണ്‌ പാർട്ടി നേതൃത്വം.

സി.പി.എം പൊന്നാന്നിയിൽ കണക്കുകൂട്ടുന്ന വിജയസമവാക്യം ഇതാണ്‌. എൻ.ഡി.എഫ്‌ ഉറപ്പു പറഞ്ഞിരിക്കുന്ന അറുപതിനായിരം വോട്ടുകൾ. കഴിഞ്ഞ തവണ പി.ഡി.പി പൊന്നാന്നിയിൽനിന്നും നേടിയ നാൽപത്തയ്യായിരം വോട്ടുകൾ. ഇടുപക്ഷത്തിന്‌ ലഭിക്കുന്ന വോട്ടുകൾക്കു പുറമേ ഒരു ലക്ഷം വോട്ടുകൾ കൂടി ലഭിച്ചാൽ പൊന്നാന്നിയിൽ ആദ്യമായി ലീഗിനെ പരാജയപ്പെടുത്താൻ സാധിക്കും. ഈ സമവാക്യം പിന്നീട്‌ കേരളമെങ്ങും എളുപ്പത്തിൽ വ്യാപിപ്പിക്കാൻ സാധിക്കും.

പക്ഷേ ഇതിന്‌ സിപിഎം കൊടുക്കേണ്ടി വരുന്ന വില വലുതായിരിക്കും. നിരോധിക്കപ്പെട്ട സിമി പ്രവർത്തകരുടെ പുതിയ കൂട്ടായ്മയായ എൻഡിഎഫും ഇപ്പോൾ തന്നെ തീവ്രവാദബന്ധത്തിന്റെ പേരിൽ പ്രതിക്കൂട്ടിൽ നിൽക്കുന്ന പിഡിപിയും സിപിഎമ്മിനെ സഹായിക്കുക എന്നതിനർഥം പാർട്ടിയെ തകർക്കുക എന്നു തന്നെയാണ്‌.

പഞ്ചതന്ത്രത്തിൽ പറയുന്ന ഒരു കഥയുണ്ട്‌. ഒരു കിണറ്റിൽ കുറച്ചു തവളകൾ സന്തോഷത്തോടെ താമസിച്ചിരുന്നു. എന്നാൽ അസൂയാലുവായ ഒരു തവള പുറത്തുനിന്ന്‌ ഒരു പാമ്പിനെ കൊണ്ട്‌ തന്നെയും തന്റെ കുടുംബാംഗങ്ങളെയും ഒഴികെയുള്ള തവളകളെയെല്ലാം കൊന്നുതിന്നുവാൻ ആവശ്യപ്പെട്ടു. അങ്ങനെയായാൽ തനിക്കും തന്റെ കുടുംബാംഗങ്ങൾക്കും മാത്രം കിണറ്റിൽ സ്വാതന്ത്ര്യത്തോടെയും സന്തോഷത്തോടെയും കഴിയാം. കാലം കടന്നുപോകവേ മറ്റു തവളകളെയെല്ലാം തിന്നു കഴിഞ്ഞപ്പോൾ പാമ്പ്‌ തന്നെ ക്ഷണിച്ചുകൊണ്ടു വന്ന തവളയേയും കുടുംബത്തേയും തിന്നുവാൻ തുടങ്ങി.

ഇത്തരമൊരു പരിതാപകരമായ അവസ്ഥയിലേക്കാവും ഇനി സിപിഎമ്മും എത്തിച്ചേരുക. പ്രത്യക്ഷമായ ഭരണത്തിന്റെ സുഖസൗകര്യങ്ങൾ പിഡിപിയും എൻഡിഎഫും ആഗ്രഹിക്കുന്നില്ലെന്നതു ശരിതന്നെ. എന്നാൽ അവരുടെ ഡിമാൻഡ്‌ സിപിഎമ്മിന്‌ സാധിച്ചുകൊടുക്കാൻ സാധിക്കുന്നതിനും അപ്പുറമായിരിക്കുമെന്ന്‌ തീർച്ച. ഇപ്പോൾ തന്നെ പിഡിപിയ്ക്കെതിരെയുള്ള പല കേസുകളും എഴുതിത്തള്ളാൻ തീരുമാനമായിക്കഴിഞ്ഞു. ഇനി എൻഡിഎഫിന്റെ ഡിമാൻഡ്‌ എന്താണെന്നും അവർ അതെപ്പോഴാണ്‌ ആവശ്യപ്പെടുക എന്നുള്ളതും മാത്രമാണ്‌ അറിയാനുള്ളത്‌.

ചുരുക്കത്തിൽ വർഗശത്രുവായ പാമ്പിനെ സ്വന്തം വീട്ടിൽ താമസിപ്പിക്കാൻ ശ്രമിച്ച തവളയുടെ അത്യാഗ്രഹബുദ്ധിക്ക്‌ ലഭിക്കുന്ന പരിതോഷികമായിരിക്കും സിപിഎമ്മിനും കാലാന്തരത്തിൽ ലഭിക്കുക എന്നാണ്‌ രാഷ്ട്രീയ നിരീക്ഷകരുടെ അഭിപ്രായം. പിഡിപിയും എൻഡിഎഫും സിപിഎമ്മിന്റെ സ്ഥാനാർഥി ആരെന്ന്‌ നിശ്ചയിക്കുന്ന അവസ്ഥവരെയാണ്‌ ഇപ്പോൾ കാര്യങ്ങൾ എത്തിയിരിക്കുന്നത്‌. ഇതാണ്‌ യഥാർഥ പാർട്ടി പ്രവർത്തകരെ അലോസരപ്പെടുത്തുന്നത്‌.

എന്നാൽ ഘടകക്ഷികളെ ശിഥിലമാക്കുന്നതിന്‌ പിന്നിൽ അതിനിഗൂഢമായൊരു ലക്ഷ്യം കൂടി പാർട്ടി സെക്രട്ടറിക്ക്‌ ഉണ്ടായിരുന്നു. തെരഞ്ഞെടുപ്പ്‌ പ്രഖ്യാപനത്തിന്‌ മുമ്പുവരെ കത്തിനിന്നിരുന്ന ലാവ്ലിൻ പെട്ടെന്ന്‌ കെട്ടടങ്ങുന്നു. തന്നെ വ്യക്തിപരമായി ബാധിക്കുന്ന ലാവ്ലിൻ അഴിമതി ഈ തെരഞ്ഞെടുപ്പിൽ ഒരു പ്രചാരണ വിഷയമായി മാറാതിരിക്കുകയെന്നതാണ്‌ പിണറായിയുടെ ലക്ഷ്യം. ഇതുവരെയും പിണറായി വിജയൻ അതിൽ വിജയിച്ചു എന്നുതന്നെ പറയാം.

കടപ്പാട്‌: ബിജു പഴയമ്പള്ളി, ദീപിക

മദറായി കൂട്ട്കെട്ട്‌

ന്യൂഡൽഹി:പി.ഡി.പിയുമായി തെരഞ്ഞെടുപ്പിൽ ഇടതുപക്ഷ മുന്നണിക്ക്‌ സഖ്യമില്ലെന്ന്‌ സി.പി.എം ജനറൽ സെക്രട്ടറി പ്രകാശ്‌ കാരാട്ട്‌ പറഞ്ഞു. ലോക്സഭാ തെരഞ്ഞെടുപ്പിൽ കേരളത്തിൽ എൽ.ഡി.എഫ്‌ സ്ഥാനാർത്ഥികൾക്ക്‌ പിന്തുണ നൽകാൻ പി.ഡി.പി തീരുമാനിക്കുകയായിരുന്നു. ഈ പിന്തുണ തങ്ങൾ സ്വീകരിക്കുന്നതായും കാരാട്ട്‌ വ്യക്തമാക്കി. രാഷ്ര്ട്ടീയ പാർട്ടികൾക്ക്‌ മതേതരമെന്നോ വർഗീയമെന്നോ സർട്ടിഫിക്കറ്റ്‌ നൽകുന്നത്‌ തങ്ങളുടെ പണിയല്ലെന്നും അദ്ദേഹം പറഞ്ഞു.
-------------------
ന്യൂഡൽഹി: പി.ഡി.പി വർഗീയ കക്ഷിയാണെന്ന ആർ.എസ്‌.പിയുടെ മുൻ നിലപാടിൽ ഒരു മാറ്റവുമില്ലെന്ന്‌ പാർട്ടി അഖിലേന്ത്യാ ജനറൽ സെക്രട്ടറി പ്രൊഫ. ടി.ജെ. ചന്ദ്രചൂഡൻ വ്യക്തമാക്കി. ഇക്കാര്യത്തിൽ ഇനി കൂടുതൽ വിശദീകരണം നൽകേണ്ട ആവശ്യമില്ലെന്നും അദ്ദേഹം ഡൽഹിയിൽ മാധ്യമപ്രവർത്തകരോട്‌ പറഞ്ഞു.
------------------
ന്യൂഡൽഹി: ഇടതുപക്ഷെ‍. പി.ഡി.പി പിന്തുണയ്ക്കുന്നത്‌ സ്വന്തം നിലക്കാണെന്ന്‌ സി.പി.ഐ.എം ജനറൽ സെക്രട്ടറി പ്രകാശ്‌ കാരാട്ട്‌ പറഞ്ഞു. ഡൽഹിയിൽ ഇടതു പാർട്ടികളുടെ സംയുക്‌താഭ്യർഥന പുറത്തി‍റക്കിക്കൊണ്ട്‌ നടത്തി‍യ വാർത്താ‍ സമ്മേളനത്തി‍ൽ സംസാരിക്കുകയായിരുന്നു അദ്ദേഹം. ഇടതുമുന്നണിയ്ക്ക്‌ പി.ഡി.പിയുമായി സഖ്യമോ, മറ്റു ബന്ധങ്ങളോ ഇല്ല. സ്വന്തം നിലക്കാണ്‌ അവർ മുന്നണിയെ പിന്തുണയ്ക്കുന്നത്‌- കാരാട്ട്‌ വ്യക്തമാക്കി.
----------------------
സിറാജെ,സ്റ്റേജിൽ കയറിനിന്ന്, ഞമ്മളെ മുന്നണി, ഞമ്മളെ സ്വന്തം മുന്നണീന്ന് വിളിച്ച്‌ പറഞ്ഞ വിഡ്ഡിയായ നേതാവെ, ഏതാ ഞമ്മളെ മുന്നണി?

ഹുസൈൻ രണ്ടത്താണി എന്ന അത്താണിയില്ലാത്തവൻ ആരുടെ സ്ഥാനാർത്ഥിയാണ്‌?

ഇടതന്റെ മൂട്‌ താങ്ങിയാണോ ഞങ്ങൾ ലീഗിനെ തോൽപ്പിക്കും എന്ന് വീമ്പിളക്കുന്നത്‌.

ഞാൻ പൊതുപ്രവർത്തനം നിർത്തും എന്ന് ഇന്നലെ സിറാജ്‌ വെല്ലുവിളിക്കുന്നത്‌ കണ്ടു. ഒരു കൗൺസിലർ മാത്രമായ ഇയാള്‌ പ്രവർത്തനം നിർത്തിയാൽ, ആ നാട്ടുകാര്‌ രക്ഷപ്പെട്ടു.

പിഡിപിക്കാരാ, എട്ടുകാലി മമ്മുഞ്ഞിന്റെ കോലംകെട്ടുവാൻ വിധിക്കപ്പെട്ട നിങ്ങൾ, തെരഞ്ഞെടുപ്പിന്‌ ശേഷം ഏത്‌ മാളത്തിൽപോയോളിക്കും?.

മദറായി കൂട്ട്കെട്ട്‌ പിഡിപിക്കാരന്റെ ശവത്തിലെ അവസാനത്തെ ആണിയാവും തീർച്ച.

മദനി ഉത്തരം പറയുമോ?

മദനി ഉത്തരം പറയുമോ?

കാഞ്ഞങ്ങാട്‌: പി.ഡി.പി ചെയർമാൻ അബ്ദുൾ നാസർ മഅ്ദനിയുടെ സ്വാധീനം തീവ്രവാദത്തിൽ മാത്രമാണെന്നും തീവ്രവാദം ഇല്ലാതാകുന്നതോടെ മഅ്ദനി ഒന്നുമല്ലാതെയായി തീരുമെന്നും കേരള കോൺഗ്രസ്‌ (ബി) ചെയർമാൻ ആർ. ബാലകൃഷ്ണപിള്ള പറഞ്ഞു.
-------------------------
മുഹമ്മ: പിഡിപി ചെയർമാൻ അബ്ദുൽ നാസർ മഅദനിയെ എൽഡിഎഫിലേയ്ക്കു കൊണ്ടുവരുന്ന പ്രശ്നമില്ലെന്ന്‌ മന്ത്രി തോമസ്‌ ഐസക്‌ പറഞ്ഞു. തിരഞ്ഞെടുപ്പിൽ ജയിക്കാനുള്ള അടവെന്ന നിലയിലാണ്‌ മഅദനിയെ കൊണ്ടുവരുന്നതെന്ന്‌ അദ്ദേഹം വ്യക്‌തമാക്കി. മുഹമ്മയിൽ നടന്ന ഇഎംഎസ്‌, എകെജി അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു ഐസക്‌.
-------------------------
ഇപ്പോൾ മദനി തിവ്രവാദിയല്ല, ഇപ്പോൾ പിഡിപി വർഗ്ഗിയകക്ഷിയല്ല - പിണറായി വിജയൻ.
-------------------------
ബഹുമാന്യനായ മദനിയോട്‌ വളരെ വിനയത്തോടെ ഒരു കാര്യം ചോദിക്കട്ടെ.

തോരാത്ത കണ്ണുനിരുമായി, മകനെ കാത്തിരിക്കുന്ന ഉമ്മമാരോടും, ഭർത്താവിനെ കാത്തിരിക്കുന്ന ഭാര്യയോടും, പിതാവിനെ കാത്തിരിക്കുന്ന കുഞ്ഞുങ്ങളോടും, അംഗഭംഗം സംഭവിച്ച്‌, നിരാശ്രയരായി കഴിയുന്ന എണ്ണമറ്റ എന്റെ അനിയന്മാരോടും, മനസ്സ്‌ തുറന്ന്‌ പറയുവാൻ അങ്ങേക്ക്‌ കഴിയുമോ?. ഞാൻ ഇന്നലെ പ്രവർത്തിച്ചത്‌ തെറ്റായിരുന്നു എന്ന്‌?. പ്രസംഗിച്ചത്‌ തെറ്റായിരുന്നു എന്ന്‌?. വിശുദ്ധ ഖുർആനും തിരുസുന്നത്തും കൂട്ട്പിടിച്ചത്‌ നേതാവാകാനായിരുന്നു എന്ന്‌?. നിങ്ങളെ കുരുതികൊടുത്തത്‌ എന്റെ നിലനിൽപിനായിരുന്നു എന്ന്‌?.

ഉത്തരം പറയാത്ത കാലത്തോളം, ബഹുമാന്യനായ മദനി, അങ്ങ്‌, വർഷങ്ങൾക്ക്‌ മുൻപ്‌ മുളപ്പിച്ച വിഷച്ചെടിയുടെ വിത്തുകൾ മുളച്ച്പൊങ്ങും. ഇന്നലെയും, ഇന്നും. നാളെയും.

മതസൗഹാർദ്ദത്തോടെ ഞങ്ങൾ കഴിഞ്ഞിരുന്ന പല ഗ്രാമങ്ങളുടെ ഇടവഴികളും, ഇന്ന്‌ ചോരമണമുള്ളതാണ്‌. ആരോക്കെ വെള്ളപൂശിയാലും, തണൽ നഷ്ടപ്പെട്ട മുസ്ലിം സ്ത്രീകൾ നിങ്ങൾക്ക്‌ മാപ്പ്‌ തരില്ല. ഒരിക്കലും. (അതെ മദനി, നഷ്ടം സംഭവിച്ചത്‌, മുസ്ലിം സ്ത്രീകൾക്ക്‌ മാത്രമാണ്‌. അങ്ങയുടെ എല്ലാ കച്ചവടത്തിലും)

ഇന്ന്‌ പിണറായി വിജയന്റെ ഇടത്‌ പിഡിപിയും, വലത്‌ ബിജെപിയും അത്താണിയുമായി നിൽക്കുന്നത്‌ കാണുബോൾ, മലപ്പുറം ജില്ലയിലെ പല ഖബർസ്സ്ഥാനുകളിലും അന്ത്യവിശ്രമംകൊള്ളുന്നവരുടെ രോദനം അങ്ങ്‌ കോൾക്കുന്നുണ്ടോ?.

എവിടെപോയോളിച്ചാലാണ്‌, മദനി, മനസാക്ഷിയിൽ നിന്ന്‌ അങ്ങ്‌ രക്ഷപ്പെടുക.

------------------
പ്രിയപ്പെട്ട പിഡിപിക്കാരെ,
ഒരത്താണിയുമില്ലാതെ ഉയലുന്ന നേതാവിനെ രക്ഷിക്കാൻ, ആഞ്ഞ്‌ ശ്രമിക്കുക. പൊന്നാനിയിൽ സൂര്യന്‌ ഉദിച്ചുയരാൻ പ്രയാസമാവും, കാരണം, മുസ്ലിംലീഗിന്റെ സമുന്നതരായ നേതാകൾ പടുത്തുയർത്തിയ കോട്ടയുടെ മറവിൽ തന്നെയാണ്‌, ഉദിച്ചുയരാത്ത സുര്യൻ.

പൊന്നാനിയിലെങ്കിലും ഉദിക്കാത്ത സുര്യനെ കയറിട്ട്‌ വലിച്ച്‌ ഉദിപ്പിച്ചില്ലെങ്കിൽ, ഓർത്തോളൂ പിഡിപിക്കാരാ, പാല്‌ തരുന്ന ഇടതന്റെ കൈകൾകൊണ്ട്‌ തന്നെ, കേരളത്തിൽ ഒന്നുമാവാതെ കാലം ചെയ്ത ഒരു പാർട്ടിയുടെ ശേഷക്രിയകൾ നടക്കും, ഒപ്പം, നേതൃപാഠവം ആവോളമുള്ള ഒരു നേതാവിന്റെയും.

മദനിയും മുസ്ലിങ്ങളും

ഇത്‌ പ്രസംഗിച്ച മദനി, രാഷ്ട്രിയ നേതാവല്ല, അത്മിയ നേതാവായിരുന്നു. കിട്ടേണ്ടത്‌ കിട്ടിയപ്പോ, തലയ്കകത്ത്‌ ബൾബ്‌ കത്തിയ മദനിക്ക്‌ പിന്നീട്‌, പള്ളിയും വേണ്ട, പടച്ചോനും വേണ്ട. പക്ഷെ, മദനിയുടെ പ്രസ്ഥാനം സൃഷ്ടിച്ച, അതിന്‌ വേണ്ടി ജീവിതം ഹോമിച്ച വിഡ്ഡികളായ ആയിരകണക്കിന്‌ യുവാകളുടെ രോദനം ഇന്നും കേരളകരയിൽനിന്നുയർന്ന് കേൾക്കാം. മകനെ നഷ്ടപ്പെട്ട ഉമ്മക്ക്‌, സഹോദരനെ നഷ്ടപ്പെട്ട സഹോദരിക്ക്‌, അനിയനെ നഷ്ടപ്പെട്ട ജേഷ്ഠന്മാർക്ക്‌, നിലനിൽപ്പിന്‌ വേണ്ടി, ആരുടെയും ആസനം താങ്ങുന്ന മദനിയുടെ പുതിയ വേഷം ദഹിക്കില്ല. മകനെ നഷ്ടപ്പെട്ട ഉമ്മമാരും, കൂടപിറപ്പുകളെ നഷ്ടപ്പെട്ട പെങ്ങന്മരും കാർക്കിച്ച്‌ തുപ്പും മദനിയുടെ മുഖത്ത്‌.

തുടർന്ന് വായിക്കുവൻ ഇവിടെ ക്ലിക്കുക

മദനിയുടെ കപടമുഖം

മദനിയുടെ കപടമുഖം

ലോക്‌സഭാ തിരഞ്ഞെടുപ്പിൽ പൊന്നാനിയിൽ പിഡിപിയുടെ പിന്തുണ ചോദിച്ച്‌ സിപിഎം ചെന്നിട്ടില്ലെന്ന്‌ മന്ത്രി പാലോളി മുഹമ്മദ്‌ കുട്ടി. മനോരമ ന്യൂസിന്റെ നിലപാട്‌ പരിപാടിയിൽ സംസാരിക്കുകയായിരുന്നു അദ്ദേഹം.
ഹുസൈൻ രണ്ടത്താണിയെ പിഡിപി സ്വയം പിന്തുണയ്ക്കുകയായിരുന്നു.
-----------------
പു തറ സിറാജെ,

ഇതാണോ ഞാമ്മന്റെ മുന്നണി?. പിഡിപി ഏത്‌ മുന്നണിയുടെ ഭാഗമാണ്‌? ഒരു പഞ്ചായത്ത്‌ മെമ്പർ പോലുമില്ലാതെ, നേരെ ഡെൽഹിക്ക്‌ വണ്ടി കയറാമെന്ന് വ്യാമോഹിക്കുന്ന പടുവിഡ്ഡികളാണോ, പിഡിപിക്കാർ?

പലതും കേൾക്കുബോൾ, അറിയാതെ പിന്തുണകൊടുത്ത്‌പോകും അല്ലെ സഖാവ്‌ മദനി?

പ്രിയങ്കരരും, ബഹുമാന്യരും, ആരാധ്യരും, പിന്നെ എന്തോക്കെയോ ആയ നമ്മുടെ നേതാകളെന്ന് സിറാജ്‌ പറയുബോൾ, മുസ്ലിം സമൂഹത്തിന്റെ കണ്ണില്ലൂടെ ഒളിച്ചിറങ്ങുന്ന മിഴിനീർ തുടച്ച്‌കൊണ്ടവർ, ഗദ്ഗദത്തോടെ സഖാവ്‌ മദനിയുടെ പ്രസംഗം ഓർത്ത്‌ പോവുന്നു.

മലപ്പുറത്തിന്റെ മണൽതരികളെ പ്രകമ്പനംകൊള്ളിച്ച്‌കൊണ്ട്‌, ഒരിക്കൽ മദനി പ്രസംഗിച്ചു.

"അവശരും, പീഡിതരും, ദുഖിതരുമായ മക്കളെ, ആരാണ്‌ നമ്മുടെ നേതാവ്‌?. കരുണാകരനാണോ? നായനാരാണോ രാജിവ്‌ ഗാന്ധിയാണോ? ശിഹാബ്‌ തങ്ങളാണോ? അല്ല മക്കളെ അല്ല. ഇവരാരും നമ്മുടെ നേതാകളല്ല. നമ്മുടെ നേതാവ്‌ മുഹമ്മദ്‌ മുസ്തഫ തങ്ങളാണ്‌......"

വർഷങ്ങൾ പലതും ഒടിഞ്ഞ്‌ മടങ്ങി കൊഴിഞ്ഞ്‌വീഴുബോൾ, നബി തിരുമേനി അങ്ങയുടെ നേതാവല്ലാതായോ? മദീന പട്ടണത്തിൽ അന്ത്യവിശ്രമം കൊള്ളുന്ന, ഞങ്ങളുടെ കരളിന്റെ കരളായ ഹബീബിനെ തള്ളിപറഞ്ഞ മദനി, നീ മുസൽമാനാണോ? നീ പഠിപ്പിച്ചതും പഠിപ്പിക്കുന്നതും വിശുദ്ധ ഗ്രന്ഥവും തിരുസുന്നത്തുമായിരുന്നോ? നിന്റെ ആവശ്യങ്ങൾക്കനുസരിച്ച്‌ മാറ്റി മറിക്കാനുള്ളതാണോ ഞങ്ങളുടെ വിശ്വാസം? ആസനം താങ്ങുവാൻ ആളുണ്ടായാൽ നിന്റെ നേതാവ്‌ റസുലുള്ളാഹി അല്ലാതവുമെന്ന് പറയുന്ന മദനീ, മറക്കാതിരിക്കുക. ഞങ്ങൾ നെഞ്ചോട്‌ ചേർത്ത്‌ താലോലിച്ച്‌ നടക്കുന്ന ഞങ്ങളുടെ നേതാവിനെയാണ്‌ നിന്റെ നികൃഷ്ടമായ പ്രവർത്തികൾക്ക്‌ പുകമറ സൃഷ്ടിക്കുവാൻ നീ ഉപയോഗിക്കുന്നത്‌. അത്‌, തീകൊണ്ട്‌ തലചോറിയുന്നതിന്‌ തുല്യമാണെന്ന് മാത്രം ഓർമ്മപ്പെടുത്തുന്നു.

അത്മധൈര്യത്തിന്റെ ഒരംശംപോലും നിന്റെ വാക്കുകളിലോ, പ്രവർത്തികളിലോ ഇല്ലാതെപോയല്ലോ എന്നോർത്ത്‌ പരിതപിക്കാനെ, നിന്നെ വിശ്വസിക്കുന്നു, മുഡന്മാരായ അനുയായികൾക്ക്‌ കഴിയൂ.

നിന്റെ തലതിരിഞ്ഞ, വാക്കുകൾക്കും പ്രവർത്തികൾക്കും, മലപ്പുറത്തിന്റെ മക്കൾ മറുപടി തരിക തന്നെ ചെയ്യും.

നീ ഒരു യതാർത്ഥ മുസൽമാനാണെങ്കിൽ, ചെയ്ത്‌ കാര്യങ്ങൾ വിളിച്ച്‌പറഞ്ഞ്‌ ധീരനായി മരണം എറ്റ്‌വാങ്ങുക. അല്ലാതെ, നിരീശ്വരവാദികളുടെ താവളത്തിൽ ഇസ്ലാമിനെ തളച്ചിട്ട്‌, നിന്റെ തടിയൂരാം എന്നാണ്‌ ചിന്തിക്കുന്നതെങ്കിൽ, അല്ലാഹുവിന്റെയും അവന്റെ മലക്കുകളുടെയും ശാപം നിന്റെമേലുണ്ടായിരിക്കട്ടെ.

മദനീ, നീ പഠിച്ച്‌ മറന്നതോ, പഠിക്കാൻ മറന്നതോ ആയ, ഒരദീസ്‌ നിന്റെ ശ്രദ്ധയിൽപെടുത്തുന്നു.
"ജീവിക്കുന്ന രാജ്യത്തിന്റെ നിയമം അനുസരിക്കാൻ കടപ്പെട്ടവരാണ്‌ മുസ്ലിങ്ങൾ"

ഇ ടി ഒന്നാംഘട്ട പര്യടനം വിജയകരമായി പൂർത്തിയാക്കി.

ഇ ടി ഒന്നാംഘട്ട പര്യടനം വിജയകരമായി പൂർത്തിയാക്കി.

സ്ഥാനാർത്ഥി ആരാണെന്നറിയാതെ, ചിഹ്നം ഏതാണെന്നറിയതെ ഇരുട്ടിൽ തപ്പുന്ന എതിരാളികളുടെ കുപ്രചരണങ്ങൾക്കും കുതന്ത്രങ്ങൾക്കും നടുവിൽ പൊന്നാനി മണ്ഡലത്തിലെ ജനങ്ങളുടെ മുഴുവൻ സ്നേഹാദരവുകളും ആശിർവ്വാദങ്ങളുമേറ്റ്‌വാങ്ങി, നമ്മുടെ പ്രിയങ്കരനായ സ്ഥാനർത്ഥി, ഇ ടി മുഹമ്മദ്‌ ബഷീർ, ഒന്നാം ഘട്ട തെരഞ്ഞെടുപ്പ്‌ പ്രചരണം വിജയകരമായി പൂർത്തിയാക്കി.

പൊന്നാനിക്കാർക്ക്‌ എന്നും പ്രിയങ്കരനായ, ഇ ടി യുടെ പ്രചരണം, മണ്ഡലത്തിലെ മുഴുവൻ യു.ഡി.എഫ്‌ പ്രവർത്തകരിലും ആവേശവും അത്മവിശ്വാസവും വർദ്ധിപ്പിക്കുന്ന തരത്തിലായിരുന്നു.

മണ്ഡലത്തിലുടനീളം, പല സ്വതന്ത്രരുടെയും, പരസ്യങ്ങളും ചിത്രങ്ങളും തൂങ്ങികിടന്ന്, ഏതെങ്കിലുമൊരു അത്താണിക്ക്‌ വേണ്ടി, യാചിക്കുന്ന ദയനീയമായ കഴ്ച, ഇടത്‌ അനുഭവികളുടെപോലും അത്മവിശ്വാസം നഷ്ടപ്പെടുത്തിയിരിക്കുകയാണ്‌.

കേരളത്തിലെ സകലമാന ചപ്പ്‌ചവറുകളുടെയും പിന്തുണയോടെ, പൊന്നാനി കോട്ട പിടിച്ചടക്കാമെന്ന് വ്യമോഹിക്കുന്നവർക്ക്‌, ഉചിതമായ മറുപടി നൽക്കുമെന്ന്, നാട്ടുകാർ പ്രതിക്ജ്ഞ ചെയ്യുന്നു.

റിക്കാർഡ്‌ ഭൂരിപക്ഷത്തോടെ ഇ ടി യെ തെരഞ്ഞെടുക്കുവാനുള്ള ഭഗീരപ്രയത്നത്തിലാണ്‌, മണ്ഡലത്തിലെ മുഴുവൻ ജനാധിപത്യ വിശ്വാസികളും.

മലപ്പുറത്തും പൊന്നാനിയിലും പരാജയപ്പെടും. സി.പി.എം. റിപ്പോർട്ട്‌.

മലപ്പുറത്തും പൊന്നാനിയിലും പരാജയപ്പെടും. സി.പി.എം. റിപ്പോർട്ട്‌.

വരുന്ന ലോക്സഭാ തെരഞ്ഞെടുപ്പിൽ കേരളത്തിലെ പത്തു സീറ്റുകളിൽ പാർട്ടിക്ക്‌ വിജയസാധ്യതയുണ്ടെന്ന്‌ സി.പി.എം റിപ്പോർട്ട്‌. പാർട്ടി സംസ്ഥാനകമ്മിറ്റി നടത്തിയ വിലയിരുത്തലും കേന്ദ്രകമ്മിറ്റി സ്വന്തംനിലയ്ക്ക്‌ നടത്തിയ അവലോകനത്തേയും തുടർന്നാണ്‌ പത്തുസീറ്റുകളിൽ വിജസാധ്യതയുണ്ടെന്ന റിപ്പോർട്ട്‌ വന്നിരിക്കുന്നത്‌. ആറു മണ്ഡലങ്ങളിൽ കടുത്തമൽസരം നടക്കുമെന്നും നാലു സീറ്റുകളിൽ വിജയസാധ്യത തീരെയില്ലെന്നുമാണ്‌ പാർട്ടി റിപ്പോർട്ടിൽ പറയുന്നത്‌.

കണ്ണൂർ, കാസർഗോഡ്‌, വടകര, കൊല്ലം, ആറ്റിങ്ങൽ, ഇടുക്കി തുടങ്ങിയ പത്തുമണ്ഡലങ്ങളിൽ ഇടതുപക്ഷം ജയിക്കുമെന്നാണ്‌ പാർട്ടിയുടെ വിലയിരുത്തൽ. ആലപ്പുഴ, എറണാകുളം, കോട്ടയം, പാലക്കാട്‌, തൃശൂർ, മാവേലിക്കര എന്നീ മണ്ഡലങ്ങളിൽ കടുത്ത മൽസരം നടക്കുമെന്നാണ്‌ പാർട്ടിയുടെ റിപ്പോർട്ട്‌.

അതേസമയം, മലപ്പുറം, പൊന്നാനി, പത്തനംതിട്ട, വയനാട്‌ എന്നീ മണ്ഡലങ്ങളിൽ വിജയസാധ്യത കുറവാണെന്നും പാർട്ടി കരുതുന്നു.

വിജയസാധ്യയുള്ള സീറ്റാണ്‌ വയനാടെന്നും ഇവിടെ ജനതാദൾ മൽസരിക്കണമെന്നും സി.പി.എം സംസ്ഥാന നേതൃത്വം പറയുന്നതിനിടെതന്നെയാണ്‌ വയനാട്‌ വിജയസാധ്യതയില്ലാത്ത സീറ്റാണെന്ന്‌ പാർട്ടി വിലയിരുത്തുന്നതും. വിജയസാധ്യതയില്ലെങ്കിലും ഈ നാലു മണ്ഡലങ്ങളിലും കടുത്തമൽസരം കാഴ്ചവെയ്ക്കണമെന്നാണ്‌ സി.പി.എം കേന്ദ്രനേതൃത്വം പറയുന്നത്‌.

Courtesy: Deepika.com

മത്യൂ ടി തോമസ്‌ രാജിവെച്ചു.

മത്യൂ ടി തോമസ്‌ രാജിവെച്ചു.

ഇടതന്റെ പ്രധാന ഘടക കക്ഷിയായ ജനതാദൽ അവരുടെ മന്ത്രിയെ പിൻവലിച്ചു.

20 സീറ്റുകൾ വീതിച്ച നൽക്കുവാൻ കഴിയാത്ത ഇവരോ, 540 സീറ്റുകൾ വീതിച്ച്‌ നൽകി ഇന്ത്യ ഭരിക്കാമെന്ന് മനപായസമുണ്ണുന്നവർ?.

വർഗ്ഗ വഞ്ചകരായ മാർക്കിസ്റ്റിന്റെ അനിവര്യമായ പതനത്തിന്റെ ആദ്യലക്ഷണം.

പിഡിപി വർഗ്ഗിയ കക്ഷിയല്ല. പാലോളി.

പിഡിപി വർഗ്ഗിയ കക്ഷിയല്ല. പാലോളി.

പിഡിപി വർഗ്ഗിയ കക്ഷിയല്ലെന്നും, അവർക്ക്‌ വർഗ്ഗിയത എന്താണെന്ന് അറിയില്ലെന്നും മന്ത്രി പലോളി മുഹമ്മദ്‌ കുട്ടി.

ശരിയാ സഖവെ,
പിഡിപി മാത്രമല്ല, ബിജെപി, ആർ.എസ്‌.എസ്‌, ശിവസേന, ബജ്‌റങ്കൾ, ശ്രിരാമ സേന, എൻ.ഡി.പി, എന്നിത്യാധി പാർട്ടികളും പാർട്ടികാരും ഒന്നും വർഗ്ഗിയ പാർട്ടിയെ അല്ല. എന്തിനേറെ, മ്മക്ക്‌ നാല്‌ വോട്ട്‌ കിട്ട്യോങ്കി, ഇസ്രയേൽ വരെ, അള്ളാന്റെ സ്വന്തം പാർട്ടിയാണ്‌ ന്ന് പറയാൻ മാത്രമുള്ള നട്ടെല്ല്, വിശ്വസിക്കുന്ന പ്രത്യയശാസ്ത്ര പുസ്തകം, മാര്‍ക്‌സും, ലെനിനും എഗൽസും പണ്ട്‌ കാലത്ത്‌ നേരംപോക്കിന്‌ എഴുതിവെച്ചതാണ്‌ മൂലധനം പോലെയുള്ള കിത്താബുകളെന്നും, അതോക്കെ ഹോട്ടലും പാർക്കും, ആശുപത്രിയും പടച്ചുണ്ടാക്കി, അങ്ങ്‌ ദുബൈയിലും കുവൈത്തിലും വരെ അല്ലറ ചില്ലറ കച്ചവടം നടത്തി ജീവിക്കുന്ന ഇന്നത്തെ മാർക്കിസ്റ്റ്‌ പാർട്ടിക്കോ അയ്ന്റെ അൾക്കാര്‌ക്കോ പറ്റിയ കിത്താബല്ലാന്ന് ഇങ്ങള്‌ അങ്ങട്ട്‌ പറഞ്ഞാളി.

നാളെ ശിവസേനയും എൻ.ഡി.എഫും എവ്‌ട്‌ന്നെങ്കിലും പൊതു സ്വതന്ത്രനായ ഒരാളെ കൊണ്ടെന്നാൽ, അത്‌ രണ്ടും മാർക്കിസ്റ്റ്‌ പാർട്ടിക്ക്‌ ഹറമല്ലന്ന് ഇങ്ങള്‌ ഫത്‌വ എർക്കി. ലീഗിനെ അരച്ച്‌ കലക്കി കുടിച്ചാൻ നടക്ക്‌ണെ കൊറെ ആൾക്കാരെ ഇങ്ങക്കും കിട്ടും.

നാളെ, ഞമ്മളെ മദനി തങ്ങള്‌, പണ്ട്‌, നബിന്റോപ്പം, ഉഹ്‌ദിലും ബദറിലും യുദ്ധം ചെയ്തീന്‌ വരെ ഞ്ഞമ്മക്ക്‌ പറയാന്ന്. മലപ്പൊർത്ത്‌കാരല്ലെ, ഓൽക്ക്‌ എഴ്‌തും ബായനിം അറീലല്ലോ. ഓലെ കുട്ട്യള്‌ കോപ്പി അടിച്ചിക്കാണ്ടല്ലെ, പരീക്ഷ പാസാവല്‌ന്ന് ഞമ്മള്‌ ശൈഖ്‌ പറഞ്ഞിട്ട്ണ്ടല്ലോ?.

മു.കു.പാ. കാക്ക ഇങ്ങള്‌ പറഞ്ഞോളി, മലപ്പോർത്തെ കുട്ട്യള്‌ കേട്ടോളും. ഹംസാക്കാന്റെ മാപ്പള പാട്ട്‌ കേട്ട്‌ട്ട്‌, ഹാർട്ടിന്‌ ഒരു കേടും വരാത്ത, മലപ്പോർത്തെ കുട്ട്യൊൾക്ക്‌, ഇങ്ങള്‌ പറയണത്‌ കേക്കാൻ പാങ്ങ്‌ണ്ട്‌.

വൈദ്യനെ ആവശ്യമുണ്ട്‌

വൈദ്യനെ ആവശ്യമുണ്ട്‌

പൊന്നാനി റ്റു ഡൽഹി എന്ന സിനിമയിൽ അഭിനയിപ്പിക്കാമെന്ന വഗ്ദാനം നൽകി, പൊന്നാനി മുഴുവൻ റിഹേയ്‌സലുമായി നടക്കുന്ന യുവാവിനെ ചികിൽസിക്കുവാൻ, രാഷ്ട്രിയം കഷായം നിർമ്മിച്ച്‌ പരിചയമുള്ള വൈദ്യനെ ആവശ്യമുണ്ട്‌.

ആഫ്രിക്കൻ വനാന്തരങ്ങളിൽ മാത്രം കണ്ട്‌ വരുന്ന, അപൂർവ്വ ഔഷദ ചെടികളായ, മുരടിച്ച പീപ്പിപി, ഒരിക്കലും തളിർക്കാത്ത, കണ്ണ്‌ എൻ എല്ല്‌, ചൈനയിൽ മാത്രമുള്ളതും, വംശനാശം സംഭവിച്ച്‌കൊണ്ടിരിക്കുന്നതുമായ കമ്യൂണിസ്റ്റ്‌പച്ച, എന്നിവ സമം ചേർത്ത്‌, തൊപ്പിക്കുള്ളിലാക്കി, മണിക്കുർ ഇടവിട്ട്‌ വാക്ക്‌ മാറ്റി പറഞ്ഞ്‌, ഡൽഹി കോട്ടിന്റെ പോക്കറ്റിലിട്ട്‌, ലീഗ്‌ വിരുദ്ധ കഷായം എന്ന അപൂർവ്വ ഔഷധം നിർമ്മിച്ച്‌ പരിചയമുള്ള വൈദ്യനെ ഉടനെ പൊന്നാനി എൽഡിഎഫ്‌ ക്യമ്പിലേക്ക്‌ അവശ്യമുണ്ട്‌.

രോഗികളുടെ എണ്ണം കൂടുവാൻ സാധ്യതയുള്ളത്‌കൊണ്ട്‌, അപേക്ഷിക്കുന്ന വൈദ്യർക്ക്‌ ഫീസായിട്ട്‌ ലാവ്‌ലിന്റെ ഒരു ഭാഗം എഴുതികൊടുക്കുന്നതാണ്‌.

കഴിഞ്ഞകാലങ്ങളിൽ, പൊന്നാനിയിൽ ഇത്തരം രോഗികളെ ചികിൽസിച്ച്‌ പരിചയമുള്ളവർക്ക്‌ മുൻഗണന.

ഉടൻ ബന്ധപ്പെടുക:-

എൽഡിഎഫ്‌ പൊന്നാനി മണ്ടയില്ലാത്ത കമ്മറ്റി.

മാഷിന്റെ സംഗതികള്‍

നേരം ആകാശത്തില്‍ മ്മളെ കൊടീന്റെ നെറം വരാനുള്ള സമയം ആയിത്തൊടങ്ങി. കളകുള കോജനം പാടിക്കൊണ്ട് കഴുകന്മാരും പരുന്തുകളും എങ്ങോട്ടൊക്കെയോ പറക്കുന്നു. ഉമ്മറത്തുകൂടെ ഒലത്തുകയായിരുന്ന ക്ഷമിക്കണം ഉലാത്തുകയായിരുന്ന മാഷ് (കഥാ നായകന്‍ ) ഒരത്താണിക്കെന്നവണ്ണം ഉമ്മറത്തെ തൂണില്‍ പിടിച്ചു നിന്നുകൊണ്ട്, ഒട്ടിക്കിടക്കുന്ന തന്റെ ആമാശയത്തിനെ നോക്കി ഇങ്ങനെ പാടി.

“ഞമ്മളു ഒലത്തും വോട്ടെല്ലാം
ഞമ്മളതാകും ചെങ്കിളിയേ..”

അടുപ്പിലിടാന്‍ കൊണ്ടുവെച്ച വാഗ്ദാനക്കൊള്ളിയില്‍ നിന്നും ഒരെണ്ണം ശഠേന്ന് വലിച്ചെടുത്തുകൊണ്ട് വീട്ടുകാരി (ചെങ്കിളി) ഉമ്മറത്തേക്കോടി വന്നു.

“പാട്ടു പാടിക്കോ മന്‍സാ.. ഇങ്ങക്ക് പാടി നടന്നാ മതിയല്ലോ, നാലു നേരം പരിപ്പുവടക്കും കട്ടന്‍ചായക്കും വെള്ളം വെച്ചിരുന്ന മ്മളെ അടുപ്പില്‍ വാഗ്ദാനക്കൊള്ളി പൊകഞ്ഞിട്ട് ഇന്നത്തേക്ക് ദെവസം പത്തായി .. ഇതു ബല്ലതും അറിയോ ഇങ്ങക്ക്”

“ ഇന്റെ ചെങ്കിളീ ഞമ്മളെ മാവും പൂക്കും അതിലും മുട്ടയും കോയിയും വിരിഞ്ഞു നില്‍ക്കും “

“ഓ.. ഞമ്മളെക്കൊണ്ടൊന്നും പറയിക്കെണ്ട .. മുട്ടയും കോയിയുമല്ലാതെ അരി നിങ്ങള്‍ക്കു പറ്റില്ലല്ലോ.. മര്യായ്ക്ക് കുട്ട്യേക്ക് നാലച്ചരം പറഞ്ഞികൊട്‌ത്ത് ജീവിച്ചിന്യേ ഇങ്ങള്, എന്തിനാ മന്‍ഷ്യ ആ പണി വലിച്ചെര്‍ഞ്ഞി കൊട്ടാരത്ത്‌ക്ക് പോവാന്‍ നോക്ക്യത്. വെശന്നിട്ട് കൊടല് കത്തുന്നു ഇങ്ങള് ആ കവലേലെങ്ങാനും ചെന്ന് ബല്ലതും കിട്ട്വോന്നു നോക്കീന്നേ..”

“ ഹോ ഇന്റെ ചെങ്കിളീ ഞമ്മളെ ഒന്നു കുത്തിയിരിക്കാനും ഇജ്ജ് സമ്മയിക്കൂലാ.. “ഇതും പറഞ്ഞ് മാഷ് കാലി വയറും തിരുമ്മി കവലയെ ലക്ഷ്യമാക്കി നടന്നു..

പണ്ട് ( അന്തകാലം) ചുവപ്പു കളറു കണ്ടാല്‍ കുളിച്ച് ശുദ്ധിയാവണമെന്നും ചുവന്നകോട്ടിട്ടവരൊന്നും മതത്തിന്റേ ആളുകളേയല്ലാ എന്നുംഎന്തിനേറെപറയണം അവരെ കാണുന്നതുപോലും ഞമ്മക്ക് ഹറാമാണെന്നും മതത്തിന്റെ ആളായ മാഷ് കവലയില്‍ പ്രസംഗം നടത്തിയിരുന്നു.

ഇന്ന് മാഷിനെപ്പറ്റി പറഞ്ഞാല്‍ (ഇന്തകാലം) ,
ഏതു മതസ്ഥനാണെന്നു ചോദിച്ചാല്‍ പടച്ചോനാണേ , നേര്‍ച്ചക്കാരാണെ മാഷിനു മതമില്ല , ജാതിയില്ല എന്തിനു ഒരു ജാതിക്കപോലുമില്ല.
--------------------
ഒരിക്കല്‍ വേഷം മാറി സഞ്ചരിക്കുകയായിരുന്ന ഏതോ രാജ കിങ്കരനാണ് മാഷില്‍ പല സംഗതികളും ഒറങ്ങിക്കിടക്കുന്നുണ്ട് എന്ന സത്യം കണ്ടെടുത്തത്..കണ്ടെടുത്തപാതി കണ്ടെടുക്കാത്തപാതി കിങ്കരന്‍ കൊട്ടാരത്തില്‍ചെന്ന് മാഷിന്റെ ഒറങ്ങിക്കിടക്കുന്ന സംഗതികളെപ്പറ്റിയുള്ള വിവരം നല്‍കി.ഇതു കേട്ട രാജാവു ഞെട്ടി.. രാജകൊട്ടാരം കിടുങ്ങി... കൊട്ടാരം റാണി ( രാജ്ഞീന്നും പറയാം) നാണംകൊണ്ടു കുണുങ്ങി “ ങ്യാ ഹഹഹാ‍ാ‍ാ‍ാ”

മാഷിന്റെ സംഗതികള്‍ കൊണ്ടുവരാന്‍ ഭടന്മാര്‍ (ഫടന്മാര്‍ന്നും പറയാം) നാനാ ദിക്കുകളിലും പാഞ്ഞു.തന്റെ സംഗതികള്‍ക്കും ഒരു വിലയൊക്കെയുണ്ടെന്നു മനസ്സിലാക്കിയ മാഷ് കവലയില്‍ പ്രസംഗം പൊടിപൊടിച്ചു.

മാഷിന്റെ സംഗതികള്‍ വിട്ടുകിട്ടാന്‍ റാണി അടവുകള്‍ പലതുമെടുത്തു, അടുപ്പില്‍ വെക്കാനുള്ള നൂതന വാഗ്ദാന സിലിണ്ടറുകള്‍വരേ നല്‍കി.

ഇതിനിടയില്‍ അരിക്കു വിലകൂട്ടിയും, പവര്‍ക്കട്ട് വാരിക്കോരി നല്‍കിയും രാജാവ് പട്ടിണി മാറ്റിക്കൊണ്ടിരുന്നു ( രാജാവിന്റെ ) . കാരണം റാണിക്കു സംഗതികള്‍ വാങ്ങിക്കാന്‍ കാശില്ലാതെ വന്നാല്‍ റാണി പല സംഗതികളുമൊപ്പിക്കുമെന്നത് രാജാവിനു പകല്‍‌പോലെ വ്യക്തമാണ്. അതുപോലെ തന്റെ പ്രജകള്‍ വല്ല കോഴിയോ കോഴിമുട്ടയോ കഴിച്ച് ( കിനാവു കണ്ട്) വിശപ്പടക്കട്ടേ എന്നും രാജാവാഗ്രഹിച്ചത് റാണിക്കു വേണ്ടി മാത്രമല്ല നാട്ടുകാര്‍ക്കുകൂടി വേണ്ടിയാണ്.

മാഷിന്റെ സംഗതികളെപ്പറ്റിയറിഞ്ഞ റാണിയുടെ രാവുകള്‍ക്ക് പവര്‍ക്കട്ടില്ലാതെയായി മാഷിന്റെ സംഗതികള്‍ എന്തു വിലകൊടുത്തും സ്വന്തമാക്കണമെന്ന് അവര്‍ ധൃഡപ്രതിജ്ഞയെടുത്തു ( ഹോ നാക്കുളുക്കിപ്പോയി).

സംഗതികള്‍ തന്നാല്‍ കൊട്ടാര വാസം വിത്തൌട്ട് വാടക വിത്ത് ഫുഡ് നല്‍കാമെന്ന് റാണി ഒരിക്കല്‍ മാഷിനെ പ്രത്യേക ദൂതന്‍ വഴി വിവരമറിയിച്ചു. കൊട്ടാര വാസം നല്‍കിയാല്‍ എന്തു സംഗതിയും നല്‍കാന്‍ തയ്യാറായിരുന്ന മാഷ് റാണിക്ക് തന്റെ സംഗതികള്‍, വെറും മുപ്പത് വെള്ളി പൂശിയ വാഗ്ദാനക്കൊള്ളികള്‍ ആഡ്വാന്‍സ് വാങ്ങിക്കൊണ്ട് കൈമാറി.

കാലചക്രം കാലനുപോലും വേണ്ടാതെ വീണ്ടും കറങ്ങി

താന്‍ കൊട്ടാരവാസിയാകാന്‍ പോകുന്ന വിവരം മാഷ് വീടുവീടാന്തരം കൊട്ടിയറിയിച്ചുകൊണ്ടിരുന്നു. രാജ കിങ്കരന്മാര്‍ വരേ മാഷിന്റെ സഹായത്തിനെത്തി എന്നാണു ചരിത്രത്തിന്റെ ഏടുകളില്‍ കാണുന്നത്. അങ്ങിനെ അത്താഴത്തിന് ഒരു അത്താണിയുമില്ലാതെയിരുന്ന മാഷിനു തന്റെ സംഗതി കാരണം അത്താണിയുണ്ടായി.

മാഷിന്റെ സംഗതികള്‍ എത്രത്തോളമുണ്ടെന്നു പിടികിട്ടിയ മഹാറാണി കൊട്ടാര വാസത്തിനു വേറെ പലരുടേയും സംഗതികള്‍ തിരയുന്നെന്നും തന്റെ സംഗതികള്‍ പരിപ്പുവടയ്ക്ക്കൂട്ടി ചായയില്‍ മുക്കിയടിച്ചെന്നും അറിഞ്ഞ മാഷിന്റെ ഖല്‍ബ് പൊട്ടി . ഒന്നല്ല പല തവണ.

ഇതുവരെ നേരിട്ടു കാണുകപോലും ചെയ്തിട്ടില്ലാത്ത മാഷുമായി മരുന്നിനു പോലും ഒരു അവിഹിത ബന്ധമില്ലാ എന്നുറക്കെ പ്രഖ്യാപിച്ചുകൊണ്ട് മഹാറാണി കയ്യടി വാങ്ങിയ വാര്‍ത്തയുമ്മറിഞ്ഞപ്പോള്‍ ഞെട്ടാന്മാത്രമുള്ള ഖല്‍ബൊന്നും മാഷിനില്ലായിരുന്നു.

എങ്കിലും കൊട്ടാരവാസത്തിനു പോവുകയാണെന്ന വിളമ്പരം കൊട്ടിയറിയിക്കുന്നതില്‍ നിന്നും പിന്തിരിയാന്‍ മാഷ് ഇന്നും തയ്യാറല്ല
---------------------
അങ്ങിനെ കവലയിലെത്തിയതാണ് മാഷ്. കൊട്ടാരവാസത്തിനും റാണിയുടെ പ്രീതിപാത്രമാവാനും സംഗതികളെറിഞ്ഞുടയ്ക്കുന്ന പലരെയും കവലയില്‍ കണ്ട മാഷിനു കലി കയറി മുന്‍പില്‍ ഒരു തോര്‍ത്ത് വിരിച്ച ശേഷം ഒട്ടിയ തന്റെ വയറ്റത്തടിച്ചുകൊണ്ട് മാഷ് ഉറക്കെ പാടി
“ഞമ്മളിലുള്ള സംഗതികള്‍
ഞമ്മളതാവില്ല പങ്കിളിയേ....”

കേട്ടുനിന്ന ആരോ പൊട്ടിച്ചിരിക്കുന്നത് അന്തരീക്ഷത്തില്‍ അലയടിച്ചു കൊണ്ടിരുന്നു

ഗുണപാഠം: അവനവന്റെ സംഗതികള്‍ മറ്റുള്ളവര്‍ സൂക്ഷിക്കില്ല

പുതുമുഖങ്ങളെ ആവശ്യമുണ്ട്‌

കമൽ സംവിധാനം ചെയ്യുന്ന, എപ്രിൽ 16-ന്‌ റിലീസ്‌ ചെയ്യുന്ന, പുതിയ ചിത്രം, പൊന്നാനി റ്റു ഡെൽഹി ഒരു സ്വപ്ന യാത്ര എന്ന സിനിമയിൽ അഭിനയിക്കാൻ, മുസ്ലിം നാമധാരിയും, എന്നാൽ ഒരു മുസ്ലിമിന്റെ ഒരു ഗുണവും ഇല്ലാത്ത പുതുമുഖങ്ങളെ ആവശ്യമുണ്ട്‌.

മുസ്ലിം തീവ്രവാദിയായിരിക്കണം.
ഇന്ന് പറഞ്ഞത്‌ നാളെ പറയരുത്‌.
മുസ്ലിം ലീഗ്‌ ഹറാമണെന്ന് തെളിയിക്കുവാനുള്ള കഴിവ്‌.
സീറ്റിന്‌ വേണ്ടി, ആരുടെയും ആസനം താങ്ങാനുള്ള ശേഷി എന്നിവ നിർബദ്ധം.

ലീഗിൽനിന്നും പുറത്താക്കിയവർക്ക്‌ മുൻഗണന.
------------
പ്രിയപ്പെട്ട കമൽ,

ആരധനവ്യന്ദത്തിന്റെ അമിതമായ ലാളനയിൽ സ്വയം മറന്ന അങ്ങ്‌, ഒന്ന് തിരിച്ചറിയുക.
സിനിമ വ്യവസായമാണ്‌. അത്‌ ജനങ്ങൾക്ക്‌ ഒരു വിനോദോപാതി മാത്രമാണ്‌. നല്ല ആശയങ്ങൾ ജനങ്ങൾ ആസ്വദിക്കുന്നു. തകർപ്പൻ ആശയങ്ങളും, തട്ട്‌പൊളിപ്പൻ ഡയലോഗുകളും കണ്ടും കേട്ടും കൈയടിക്കുവാൻ ജനകോടികളുണ്ടാവും.

എന്നാൽ,

രാഷ്ട്രിയത്തിന്റെ ബാലപാഠംപോലും അറിയാത്ത അങ്ങ്‌, ഒരു പാർട്ടിയുടെ കോട്ട പിടിച്ചടക്കാൻ ഇറങ്ങിതിരിച്ചത്‌ വളരെ നന്നായി. നിങ്ങളുടെ സിനിമയെ സ്നേഹിച്ച മലയാളികൾ, അങ്ങയെ നേരെ ഡെൽഹിയിൽ എത്തിക്കും എന്ന് പ്രതിക്ഷിക്കുന്നതും വളരെ നല്ലത്‌. സിനിമകാർക്ക്‌ വേണ്ടി അമ്പലം പണിയുന്നവരുണ്ട്‌. പല സിനിമകാരും ഡെൽഹിയിൽ എത്തിയിട്ടുമുണ്ട്‌. ന്യായമായും അങ്ങയുടെ സ്വപ്നം അത്യഗ്രഹമല്ലെന്ന് ഞാൻ തിരിച്ചറിയുന്നു. എന്നാൽ...

മൽസരിക്കുന്നത്‌ പൊന്നാനിയിലാണെന്ന് മറക്കരുത്‌.
ബഷീറാണ്‌ എതിരാളിയെന്നും മറക്കരുത്‌.
ഇതോക്കെ മറന്നാലും ഒന്ന് മാത്രം മറക്കാതിരിക്കുവാൻ ശ്രദ്ധിക്കുക.
പൊന്നാനിക്കാരന്റെ ചിഹ്നം കോണിയാണെന്ന്.

അലാവുദ്ദിന്റെ അത്ഭുത വിദ്യകൾ അഭ്രപാളികളിൽ ആവേശമാവും. പക്ഷെ, ജനഹൃദയങ്ങളെ, പ്രതേകിച്ച്‌ മലപ്പുറത്തിന്റെ മക്കളെ നയിക്കുവാനുള്ള കഴിവ്‌, ജന്മംകൊണ്ട്‌ തന്നെ ലഭിക്കണമെന്ന അപ്രിയസത്യത്തിന്റെ വാതായനങ്ങൾ നിങ്ങൾക്ക്‌ മുന്നിൽ തുറക്കുവാൻ, ഇനി എതാനും ദിവസങ്ങൾ മാത്രം. കാത്തിരിക്കാം എപ്രിൽ 16 വരെ.

രണ്ടത്താണിയോട്‌

2005-ൽ അങ്ങ്‌ പ്രസംഗിക്കുകയും, പ്രവർത്തിക്കുകയും ചെയ്ത ചിലത്‌, ഇന്ന് 2009-ൽ എങ്ങനെ ന്യായികരിക്കും.

മാർക്കിസം മതനിഷേധികളാണെന്നും, ഇശ്വരവിശ്വാസിയായ ഒരാൾക്ക്‌ കമ്യൂണിസത്തെ അംഗീകരിക്കാനാവില്ല, നിരീശ്വരവാദികളെ പോലെ തന്നെയാണ്‌ മാർക്കിസത്തെയും കണേണ്ടത്‌, എന്നീ കാര്യങ്ങൾ അങ്ങ്‌ പല വേദികളിലും, പ്രസംഗിക്കുകയും, ലേഖന പരമ്പര എഴുതുകയും ചെയ്തു.

ഇന്ന്, 2009-ൽ ഇസ്ലാം മാർക്കിസത്തെ അംഗീകരിക്കുന്നു എന്നും, അന്ന് പറഞ്ഞതിന്‌ ഇന്ന് പ്രസക്തിയില്ലെന്നും അങ്ങ്‌ പറയുന്നു.

2005-2009 കലഘട്ടത്തിൽ, മാർക്കിസ്റ്റ്‌ അവരുടെ തത്വസംഹിത മാറ്റിയിട്ടുണ്ടോ?.

2005-2009 സമയത്ത്‌, അങ്ങേക്ക്‌ വേണ്ടി, ആരെങ്കിലും ഫത്‌വ ഇയറക്കിയോ?.

മുസ്ലിം സമുദായത്തിന്റെ കാര്യം, നാഴികക്ക്‌ നാൽപ്പത്‌ വട്ടം മാറ്റി പറയുന്ന അങ്ങ്‌, മുസ്ലിം നാമത്തിന്‌ അർഹനാണോ?.

സ്വയം സ്ഥാനാർത്ഥിയായി രംഗത്ത്‌ വന്ന അങ്ങ്‌, ശൈഖുന ഹംസക്കും, ശൈഖുന പലോളിക്കും നൽകിയ സ്ഥാനം, ശൈഖുന എന്ന പദവി, അങ്ങ്‌ നൽക്കിയതിന്റെ അടിസ്ഥാനമെന്ത്‌?. പിണറയി വിജയൻ എന്നാണ്‌ ശൈഖുന വിജയൻ ആവുന്നത്‌?.

അച്ചുതാനന്തനും വിജയനും തമ്മിലുള്ള പിണക്കം തീർക്കാൻ, മമ്പുറം സയ്യിദലവി തങ്ങളുടെ ജാറത്തിൽ പ്രർത്ഥിച്ച അങ്ങ്‌, ഇന്ന്, ഇടതിലെ പ്രതിസന്ധി തീർക്കാൻ എവിടെപോയി പ്രാർത്ഥിക്കും?. അങ്ങാണോ, മതനിരപക്ഷ സ്ഥാനാർത്ഥി?.

ചരിത്രകാരൻ, ചരിത്രത്തോട്‌ നീതികാണിക്കണം, ഇല്ലെങ്കിൽ, ചരിത്രം മാപ്പ്‌ തരില്ല. അതിന്‌ ചരിത്രം സാക്ഷി.

ഇ. ടി. വിജയത്തിലേക്ക്

പൊന്നാനിയിൽ, ഐക്യമുന്നണി സ്ഥാനാർത്ഥി, ഇ. ടി. മുഹമ്മദ് ബഷീർ, അനിവാര്യമായ വിജയത്തിലേക്കടുത്ത്‌കൊണ്ടിരിക്കുന്നു.

മണ്ഡലത്തിലെ മുഴുവൻ ജനാധിപത്യ വിശ്വാസികളും ആവേശതിമർപ്പിൽ.

ഓലപാമ്പ് കാണിച്ച്, മുസ്ലിം ലീഗിനെ പേടിപ്പിക്കാമെന്ന് കരുതിയവർക്ക് തെറ്റി.

ഊതിവീർപ്പിച്ച കുമിളകണക്കെ, എതിരാളികൾ പൊട്ടിതകരുന്ന നയനമനോഹരമായ കഴ്ച, പൊന്നാനിയിലെ ജനങ്ങൾ ആസ്വദിക്കുന്നു.

ഡൽഹിക്കിടുവാൻ കോട്ട് തയ്‌പിച്ചവർ പൊന്നാനിയിൽ അനവധി.

ഇടത് സ്ഥാനാർത്ഥികൾ വോട്ട് ചോദിക്കുന്നു, പക്ഷെ, ചിഹ്നം ചോദിക്കുബോൾ, നാട് വിടുന്നു.

ചരിത്ര വിജയം ബഷീർ സഹിബിന് സമ്മാനിക്കുവാനുള്ള അവേശത്തിലാണ് മുന്നണി പ്രവർത്തകർ.

പുന്തുറ സിറാജിനോട്,
കൊടപനക്കൽ തറവാട്ടിൽ നിന്നാണ് മുസ്ലിം ലീഗിന്റെ സ്ഥാനാർത്ഥിയെ പ്രഖ്യപിച്ചത്. അത്, അഖിലേന്ത്യ പ്രസിഡൻ‌ണ്ടായാൽ പോലും. അതാണ് ലീഗിന്റെ പാരമ്പര്യം. അതിന്റെ ഗുണമാണ്, സിറാജെ, ഈ കാണുന്നതൊക്കെ.

കാത്തിരിക്കുക. പൊന്നാനിയിലെ മുസ്ലിം സമുദായത്തെ, ഇടതന്റെ ആലയിൽ തളച്ചിടാമെന്ന് വ്യമോഹിച്ച്, ശിഖണ്ടിയുടെ വേഷമണിഞ്ഞവർക്ക്, മലപ്പുറത്തെ മുസ്ലിം സമുദായം, മാപ്പ് തരില്ലെന്ന്, ചരിത്രം രേഖപ്പെടുത്തുന്ന അനർഖ നിമിഷങ്ങൾക്കായി.

നന്തിഗ്രമിലെ അടച്ചിട്ട കുടിലുകൾക്കുള്ളിൽ, മാർകിസ്റ്റ് കാപാലികർ, ചുട്ട്‌കൊന്നവരിൽ അധികവും മുസ്ലിം സമുദായമായിരുന്നു. ഞങ്ങളുടെ സഹോദരിമാരെ, കൂട്ടബലാത്സംഗം ചെയ്ത്, ജീവനോടെ കുഴിച്ച്‌മൂടിയത്, ഈ മാർകിസ്റ്റ് കാപാലികരായിരുന്നു. ആ കാപാലികർക്ക് പിന്തുണയുമായി, പിറകെ നടക്കുന്ന, നിങ്ങളോ, മതേത്വരത്വ വാദികൾ?. നിങ്ങളോ മുസ്ലിം സംരക്ഷകർ?.

പിഡിപി ചെയ്ത, ചെയ്ത്‌കൊണ്ടിരിക്കുന്ന പാപത്തിന്റെ കറകളയാൻ, ഇടത്‌മുന്നണിയിൽ മുങ്ങികുളിച്ചാൽ ആവില്ല, സിറാജെ.

മലപ്പുറത്തിന്റെ മാപ്പിളമക്കൾ, വോട്ടിലൂടെ നിങ്ങളോട് മറുപടി പറയും.

കാത്തിരിക്കുക, കൈയെത്താദുരത്തെ കനകസിംഹാസനവും സ്വപ്നം‌കണ്ട്.

സ്വതന്ത്ര സ്ഥാനാർത്ഥികൾ രണ്ട്‌.

പൊന്നാനിയിൽ ഇടത്‌ ജനാധിപത്യമുന്നണി സ്വതന്ത്ര സ്ഥാനാർത്ഥികൾ രണ്ട്‌.

ലോക്‌സഭ തെരഞ്ഞെടുപ്പിൽ വോട്ട്‌ ഒന്ന്.

ഇടതന്റെ മൂട്‌താങ്ങികൾ എന്ത്‌ചെയ്യണം എന്നാലോചിച്ച്‌ അന്തംവിട്ട്‌ കുന്തം വിഴുങ്ങിയിരിക്കുകയാണ്‌.

പോയ ബുദ്ധി, അണക്കെട്ട്‌കെട്ടി തടഞ്ഞ്‌ നിർത്താനാവില്ലെന്ന് അവസരവാദ, കപട ന്യൂനപക്ഷ പ്രേമികൾ തിരിച്ചറിയുന്നു.

കോണിയെടുത്ത്‌ അട്ടത്ത്‌വെക്കുമെന്ന് വീമ്പിളക്കിയവർ, അട്ടത്ത്‌ കയറിയൊളികാൻ, കോണി തിരയുന്നു.

കരുത്തനായ നായകനെ പൊന്നാനിക്ക്‌ സമ്മാനിച്ച, പാണക്കാട്‌ സയ്യിദ്‌ മുഹമ്മദലി ശിഹാബ്‌ തങ്ങൾക്ക്‌, മണ്ഡലത്തിലെ ജനലക്ഷങ്ങളുടെ അഭിവാദ്യങ്ങൾ.

തൊപ്പിയിട്ടവര്‍

കടപ്പാട്: സുജിത്ത്, കൌമുദി

സ്വതന്ത്രരുടെ പട പൊന്നാനിയിൽ

സ്വതന്ത്രരുടെ പട പൊന്നാനിയിൽ

പൊന്നാനിയിൽ പൊതുസ്വതന്ത്രസ്ഥാനാർത്ഥിയായി, എ. പി. കുഞ്ഞാമുവിനെ സി.പി.ഐ പ്രഖ്യാപിച്ചു.

മണ്ഡലത്തിലെ യു.ഡി.എഫ്‌ ക്യംപിൽ ആവേശം.

തകർന്നടിയുന്ന സ്വപനങ്ങളുടെ ശവമഞ്ചവുമായി പി.ഡി.പി.

എല്ലില്ലാത്ത ഐ.എൻ.എൽ, മാനം‌നോക്കി നെടുവീർപ്പിടുന്നു.

യുഡിഎഫ്‌ പ്രവർത്തകർ, ഇ.ട്ടി ബഷിറിന്റെ ഭൂരിപക്ഷം വർദ്ധിപ്പിക്കാനുള്ള ആവേശത്തിൽ.